muscomplexpavl.edu.kz
2023,наурыз,15 "Тезбол" ұлттық спорт ойындары
Ұрпақ ұлттық ойынмен шыңдалады! Бүгін 15 наурыз сағат 11:00 колледжіміздің спорт залында студенттеріміздің төзімділігі мен қабілеттерін анықтау мақсатында “Tez Bol” атты ұлттық ойындары өткізілді. Қазылар алқасы құрамында: Иноземцева Е. В., Опанов А. К., Нургалиева Е. А., Подосиникова С. Д. және “Ішекті аспаптар” бөлімінің 1 курс студенті - Алина Ерикбаева болды. Бірінші болып “Аударыспақ” ойыны өтті. Спортшыдан үлкен ептілікті, күштілікті, төзімділік пен батылдықты талап ететін ұлттық ойынның бір түрі. Бұл ойынның шарты бойынша аттың үстінде отырған екі қатысушы бірін-бірі ер үстінен аударып алу сайысы. Келесі ойын кезегін “Қол күресі” ойыны жалғады. Бұл ойында жігіттермен қатар, қыздар да бақтарын сынап,осал емес екендерін көрсетті. Сонымен қатар, “өгіз тартыс”, “зіл көтеру” ойындары өткізілді. “Ән салу” бөлімінің 1 курс студенті Сильванович Виктория салмағы 15 кг тартатын зілді 10 рет көтеріп, жанкүйерлерді тәнті етті. Осымен ұлттық ойындарымыздың бірінші кезеңі өз мәресіне жетті.
Мақала авторы – Утемисова С.Р.
