симфониялық оркестр -тарих

Музыкалық колледждің симфониялық оркестрі 1962 жылы музыкалық училищенің бірінші директоры Гильда Эрнестовна Кромер және жас композитор, Алматы консерваториясының түлегі, Қазақстан өнерінің еңбек сіңірген қайраткері Артур Александрович Меттустың бастамасымен құрастырылды.
Симфониялық оркестр Павлодар қаласында өткен мәдени және саяси іс-шараларға қатысты. Оркестр А.П.Чехов атындағы драма театрында, тракторлық (сол кезде комбайн зауыты) цехтерінде, Павлодар облысының көшелерінде өнерлерін көрсетті. Симфониялық оркестр өнерін тыңдармандар жақсы қарсы алды. Оркестр туралы «Правда» газетінде (КСРО орталық газеті) жазылды, республикалық және жергілікті баспасөз орталықтарында жарияланды. Мәскеу композиторлар кеңесінің мүшелері музыканттарға өз құттықтауларын және сыйға берілген жазбаларымен өз шығармаларының партитураларын жіберді.
Оркестр оқу ұжымы болып табылады. Оркестрдегі студенттер мен жас музыканттарға арналған жүйелі ойнау кәсіби мектеп тәрізді. Оркестрде ойнаған музыканттар өздерінің қызметін оркестрлік музыка саласында жалғастыруда. Олар Павлодарда, республикада және әр елде өздерінің жеке ұжымдарын құрастырды. «Музыка теориясы» бөлімінің негізін қалаушы, композитор, педагог, скрипкашы Артур Александрович Меттус оркестрде жиырма сегіз жыл қызмет етті. Кейін Павлодар музыкалық училище, Алматы және Ташкент консерватория түлегі Болат Сагатович Рахимжанов оркестрде жұмыс істей бастады. 90 ж. басында симфониялық оркестр Павлодар қаласында өткен камералы және симфониялық оркестрлердің І Республикалық фестиваліне қатысты. Оркестршілердің кәсіби өсу шеберлігі атақты қазақ музыканттар оркестрінің концертіне қатысуына жол ашты. 1993 жылдың жазында абай атындағы опера және балет солистері (Алматы қаласы) Хорлан Калиламбекова және Канат Обмарбаевпен бірге Сұлтанмахмұт Торайғыровтың туған күніне арналған салтанатты концертте өнерлерін көрсетті.

90-ж. соңында әртүрлі себептер бойынша симфониялық оркестр жұмыстарын тоқтатты. Бірақ колледжге Тбилиссия консерваториясының түлегі, скрипкашы Яна Оганесовна Касьяннің келуімен симфониялық оркестр қайтадан жұмысын бастады. Жаңа оркестр үш жыл бойы жұмыс істейді. Колледжішілік және қалалық концерттерге белсенді қатысып отырады. Жас дирижёр Яна Касьян өзінің студенттерімен бірге Павлодар облысының ең алыс жерлеріне классикалық симфониялық мұраны белсенді насихаттау жұмыстарын жүргізеді. Екі жыфлдың ішінде колледждің симфониялық оркестрі концерттерімен Ақтоғай ауданына шықты.
Қазір музыкалық колледждің 50-жылдығы аясында оркестр жаңа бағдарламасын дайындау барысында. Болашақта оркестрді биік шыңдардан көруге сенімдіміз.

• < Prev
• Next >