muscomplexpavl.edu.kz
2021,мамыр,17 "Павлодарлық үрлемелі аспаптардағы орындаушылар республика бойынша көш бастап тұр"
Биыл музыкалық колледждер арасындағы орындаушылардың 42-ші республикалық конкурсының форматы қашықтықтан өтті.
Конкурстың ұйымдастырушылары – Қазақстан Республикасының Мәдениет және спорт министрлігі және "Қазақ ұлттық өнер университеті" республикалық мемлекеттік мекемесі.
Қазылар алқасының мүшелері, Қазақстан Республикасының белгілі қайраткерлері, павлодарлық үрлемелі аспаптарда орындаушыларының республикада жетекші орынға ие екендігін атап өтті. Ертіс өңірінің жас музыканттарының орындаушылық шеберлік деңгейі Қазақстанның талантты және шығармашыл жастарын бәсекеге қабілеттілікке шақыра отырып, өсіп келе жатқан дарындардың әлеуетіне ынта және жаңа шығармашылық серпін береді.
Кәсіби конкурстарға қатысу – орындаушылық шеберлікті дамыту үшін қолайлы мотивациялық орта жасайтын, өзін-өзі айқындауға және "ең жақсысын" анықтауға ықпал ететін кәсібилікті арттыру құралдарының бірі болып табылады. Әрбір конкурс өзінің мағыналық жүктемесін көтереді және ондағы жеңіс - бұл жаңа мансаптық мүмкіндіктерге есік ашатын түйіндемеге жақсы қосымша ғана емес, сонымен қатар оқу орны үшін және жалпы өңір үшін де беделді. 42-ші республикалық байқаудың нәтижесі бойынша Павлодар облысының жетістіктер қоржынын музыкалық колледждің "Үрлемелі және соқпалы аспаптар" бөлімінің студенттері толықтырды: Лагутик Александр (труба)- 1 дәрежелі лауреат, оқытушысы Шлегель В.А., концертмейстер Куминов А.Б.,
Апанасик Тимур (саксофон)- 2 дәрежелі лауреат, оқытушысы Мулкаразов М.К., концертмейстер Якшова Н.Д.
Қарандашова Елизавета (флейта) - 3 дәрежелі лауреат, оқытушысы Тен А.Ш., концертмейстер Пономарева Н.Н.
Кларнет сыныбы бойынша Усенов Д.А. оқушылары Тен Давид пен Қашаубай Имран дипломант атанды.
Павлодарлық үрлемелі аспаптарда орындаушыларды беделді байқаулардағы көптеген жеңістерімен құттықтаймыз. Біздің талантты жастарымыз – еліміздің ұлттық игілігі!
