muscomplexpavl.edu.kz
2024,наурыз,29 Павлодарлық студент-музыканттар Күләш Байсейітова атындағы республикалық байқауда 6 жүлделі орынға ие болды
2024 жылғы 29 наурыз күні Алматы қаласының Оңдасын Абдуллаұлы Абдуллаев атындағы үлкен концерт залында Қазақстанның жас орындаушыларының – Қазақстан Республикасының дарынды балаларға арналған мамандандырылған музыкалық орта мектептерінің оқушыларының XII Республикалық байқауының жабылу салтанаты өтті.
Байқаудың мақсаты: мектеп оқушылары арасында талантты, песпективті орындаушыларды анықтау, олардың орындаушылық шеберлік деңгейлерін арттыру, оқушылардың өзін-өзі дамытуы мен жүзеге асыруы үшін жағдай жасау, сахна мәдениетін қалыптастыру, музыкалық өнердің үздік үлгілері бойынша байқауға қатысушылардың музыкалық талғамы мен стильдік қабілетін тәрбиелеу және дамыту.
Айтулы байқау екі бағыт бойынша өтті: Ішекті аспаптар және халық аспаптары.
Байқау қорытындысы нәтижесінде Павлодар облысына музыкалық колледж бойынша жетістік қоржыны 6 жүлделі орынмен толтырылды, байқау дипломанттары қобызшылар Мэлс Айым және Айкенова Айзере, А. Б. Қанаеваның оқушылары, 2 орынды Нөгербек Ернұр, баяншы, оқытушысы Алимкулова М. Н., гитарист Ажбеков Қобыланды және Нұрқаев Әділжан, домбыра аспабы бойынша, 3 орынға ие болды, оқытушылары А.А. Исмаилова және Р.А.Сабекова, сондай-ақ оқытушы К.У.Тютюнованың оқушысы Арынова Қымбат домра-прима, Гран- При жеңіп алды.
