muscomplexpavl.edu.kz
2022,наурыз,09 Жыл сайын музыкалық колледж қабырғасында Қазақстанның және шет елдердің жетекші оқытушылары мен музыканттарының отыздан жуық шеберлік сағаттары өтеді
Екі ай бойы музыкалық колледжде еліміздің көрнекті музыканттары мен оқытушыларының шеберлік сағаттары өтуде. Аспаптық орындаушылық және қазақ халық аспаптары бөлімінің студенттері үшін Е.Рахмадиев атындағы Мемлекеттік академиялық филармонияның Қазақ оркестрінің дирижері, ҚР композиторлар одағының мүшесі Арман Жайым және Қазақ ұлттық өнер университетінің оқытушысы, республикалық және халықаралық конкурстардың лауреаты Алмат Сайжанмен кездесу өткізілді. Заманауи және классикалық шығармаларды талдау студенттердің үлкен қызығушылығын тудырды, құрметті қонақтар оқытудың заманауи әдістемесіндегі тәжірибелерімен бөлісті. Вокалист студенттер үшін оқыту мен тәжірибе алмасудың ұтқыр және тиімді нысандарының бірі Қазақстан Республикасының Еңбек сіңірген қайраткері Азамат Қайратұлы Жылтыргузовтың шеберлік сағаты болды. Мобильді оқытуды, кеңейтілген нақтылық элементтерін қолдана отырып, білім беру процесін ұйымдастырудың әдістері мен технологияларын көрсету, сөзсіз, болашақ вокалистер ұрпағының кәсіби өсуіне терең із қалдырды.
Музыка теориясы, үрлемелі және соқпалы аспаптар бөлімінің студенттеріне «Композитор мамандығы бүгін: ерекшеліктері, мүмкіндіктері, болашағы» тақырыбындағы шығармашылық кездесу Құрманғазы атындағы ҚҰК-ның композиция кафедрасының оқытушысы, «Kazakhstan Composers» АКК басқармасының мүшесі Данияр Бержапраковтың қатысуымен өтті. Композитор орындалатын музыканың дыбыс шығару, пішіндеу, стилистикалық ерекшеліктері мәселелерін қозғай отырып, музыкалық аспаптарда ойнау шеберлігінің құпияларымен, қыр-сырымен бөлісті.
Шеберлік сағаттардың ұйымдастырушылары: Қайыргельдықызы Оркен, Шлегель О.В., Альжанова Г.Т.Шеберлік сағаттардың қатысушылары-музыкалық колледжінің студенттері мен оқытушылары.
Музыкалық колледж басшысының орынбасары А. А. Карашина әртүрлі әдістемелер мен технологиялар бойынша практикалық дағдыларды пысықтау үшін оқыту сабағын ұсынудың қазіргі заманғы нысаны қатысушылардың кәсіби деңгейін арттыру және озық тәжірибелерімен алмасу, маманның шеберлігі мен біліктілігін арттыру үшін ой-өрісін кеңейту және білімнің жаңа салаларына тарту үшін ең маңызды және қажетті процесс екенін атап өтті.
Жас музыканттарға шеберлерден сабақ алуға, өз шығармашылығына кәсіби көзқарастың үлгісін көруге, дайындық дәрежесіне критерийлерді жүргізуге және музыканың қазіргі жасампаздығына қатысуға мүмкіндік беретін шеберлік сағаттардың аса құрметті қонақтарына алғысымызды білдіреміз.
