muscomplexpavl.edu.kz
2024,мамыр,14 «Gold accordion» VIII Халықаралық эстрадалық байқауы
Астана қаласының Ермек Серкебаев атындағы №3 балалар музыка мектебінде «Gold accordion» VIII Халықаралық эстрадалық байқауы өтті.
Байқау бір мезгілде күндізгі және қашықтықтан өткізілді. Байқауға қатысушылар балалар музыка мектептерінің, өнер мектептерінің, мамандандырылған оқу орындарының, оның ішінде музыкалық колледждердің оқушылары.
Байқауға Астана, Ақтөбе, Петропавл, Көкшетау, Қызылорда, Павлодар, Шымкент қалаларынан, сондай-ақ Ресейдің Мәскеу, Пермь қалаларынан қатысты.
Байқаудың қазылар алқасының құрамына:
- Ресей Федерациясының еңбек сіңірген мәдениет қызметкері, «Садко» орыс халық аспаптар оркестрінің негізін қалаушы Ерманжилинск қаласының құрметті тұрғыны – Яковлев Юрий Павлович (байқаудың қазылар алқасының төрағасы),
- Татарстан Республикасының еңбек сіңірген әртісі, «Құрмет» орденінің иегері, Қазақ ұлттық өнер университетінің профессоры – Сұлтанов Дамир Рафхатұлы,
- Халықаралық байқаулардың лауреаты, Қазақ ұлттық өнер университетінің «Қобыз және ОХА» кафедрасының меңгерушісі – Кумыскалиев Сапар Мұхамеджанұлы,
- халықаралық байқаулардың лауреаты, Қазақ ұлттық өнер университетінің оқытушысы – Тураев Руслан Александрович,
- Халықаралық байқаулардың лауреаты, Астана Халықаралық университетінің педагогикалық колледжінің оқытушысы – Кузяев Родион Рамильевич кірді.
Байқау қорытындысы бойынша: баянистер триосы - Қанат Смагулов, Иван Сидорин, Адильжан Жаксылыков 1 орын, Кирилл Мякота және Ернұр Нөгербек дуэтте 2 орын, соло Адильжан Жаксылыков дипломант атанды.
