muscomplexpavl.edu.kz
2022,cәуір,1 Павлодар облысының жарық жұлдызы кезекті рет лауреат атанды
Бірінші курстан бастап Рерих Нелли беделді конкурстарға қатысып, тек жүлделі орындардың жеңімпазы атанып жүр. Бүгін Нелли музыкалық колледждер мен мектептер арасындағы XIV Республикалық пәндік олимпиадада 1 орынды жеңіп алғаны белгілі болды. Нелли музыкалық колледждің «Фортепиано» бөлімінің 3-курсында оқиды, оқытушысы «Павлодар облысының білім беру жүйесін дамытуға қосқан үлесі үшін» төсбелгісінің иегері Инна Николаевна Волкова. Музыкалық колледжде оқыған үш жыл ішінде Нелли 20-дан астам кәсіби конкурстарды жеңіп алды, «Мәдениет» номинациясы бойынша «Ертіс дарыны-2019» жастар сыйлығының бірінші иегері, Қазақстан Республикасы Тұңғыш Президенті Қоры стипендиясының лауреаты, «Кәсіби шеберлік» номинациясында облыстық «Тәуелсіздік ұланы» сыйлығының лауреаты, Altyn art - Artist kids лицензиаты және «ҚР үздік 100 студенті» атағының иегері.
Неллиге бұдан да жарқын жеңістер мен музыкалық шыңдарды бағындыруда сарқылмас шығармашылық күш-қуат тілейміз және келесі жетістіктер әлемдік деңгейде болады деп үміттенеміз.
