muscomplexpavl.edu.kz
2023,ақпан, 21 Жас музыкант
Музыкалық колледжде өтіп жатқан 56-шы республикалық «Жас музыкант» байқауының облыстық кезеңіне Павлодар облысының қалалары мен аудандарынан 200-ден астам қатысушы жиналды. «Фортепиано» және «хор ұжымдары» номинациялары бойынша облыстың балалар музыка мектептері мен өнер мектептерінің оқушылары өнер көрсетеді. Байқау 2 күнге созылып, облыстық кезеңнің жеңімпаздары ағымдағы жылдың наурыз айында өтетін республикалық турда облысымызды таныстыру мүмкіндігіне ие болады.
Байқаудың ұйымдастырушылары: Павлодар облысының білім беру басқармасы «Музыкалық колледж – дарынды балаларға арналған музыкалық мектеп-интернат» кешені ММ бірлесіп өткізуде.
Фестиваль-конкурстың мақсаты – музыкалық дарынды білім алушыларды, талантты балалар ұжымдарын дамыту және қолдау, олардың шығармашылық белсенділігін, кәсіби бағытын ынталандыру.
Қазылар алқасының төрағасы - Серик Касымханович Сыздыков – «Музыкалық колледж–дарынды балаларға арналған музыкалық мектеп-интернат» кешені» ММ басшысы.
Қазылар алқасының мүшелері: Никитенко Михайл Григорьевич, Казмагамбетова Малика Равилевна, Баторшина Елена Олеговна, Нургожинова Мадина Канатовна, Колаян Марго Хачатуровна, Шейкина Евгения Васильевна, Исина Карлыгаш Жумагельдиевна, Жабайканова Жулдыз Борисовна.
Павлодар облысының балалар музыка мектептері және өнер мектептерінің білім алушыларының - жас музыканттардың 56-ші облыстық фестиваль-конкурсының қатысушылары: Павлодар қаласының балалар саз мектептері, Екібастұз қаласының Естай атындағы балалар саз мектебі, Шербақты, Ертіс, Теренкөл аудандарының балалар өнер мектебі «Байгабыл Жылқыбаев атындағы балалар өнер мектебі» Май ауданы, «Жаяу Мұса атындағы Баянауыл балалар өнер мектебі» МҚКК, Железинка ауданының өнер мектебі МКҚК, Ақтоғай өнер мектебі МКҚК және Кешен базалық балалар саз мектебінің ұжымдары.
Конкурс жаңа жұлдыздардың шығуына көмектеседі және Павлодардың көптеген маңызды мәдени оқиғаларына жол береді деп үміттенеміз. Лауреаттар, Республикалық конкурсқа жолдама алып, өңіріміздің намысын қорғайтын болады.
Сәттілік пен жетістіктер тілейміз.
