muscomplexpavl.edu.kz
2024,қазан,23 Музыкалық кешеннің оқушылары «Тәуелсіздік ұланы» сыйлығының иегерлері атанды
Бүгін Ұлттық мереке – Республика күні қарсаңында «Тәуелсіздік ұланы» наградаларын салтанатты түрде тапсыру рәсімі өтті. Соңғы үш жылдағы облыстық, республикалық және халықаралық конкурстардың, олимпиадалар мен жарыстардың жеңімпаздары, жүлдегерлері сыйлықтың үміткерлері болып табылады. Жыл сайын Павлодар облысының 100 оқушысы мен студенттері сыйлықтың иегері болып, төсбелгісімен марапатталады және айлық есептік көрсеткіштің 50 еселенген мөлшерінде біржолғы сыйақы алады. Биыл «Шығармашылық шеберлік» номинациясы бойынша «Музыкалық колледж – дарынды балаларға арналған музыкалық мектеп-интернат» кешені» ММ-нің 6 оқушысы «Тәуелсіздік ұланы» лауреаты атанды, 4 курс студенттері Құрманғазы Бахтияр В.А.Шлегельдің шәкірті және А.Б.Канаеваның сыныбынан Мэлс Айым, музыкалық мектеп–интернаттан жеңімпаздар Абильдинова Аделина, Нурмухамет Дайана, Бодыков Ислам және Омаржанов Заурбек.
Музыкалық Кешеннің студенттері мен оқушыларын құттықтаймыз және олардың шығармашылық мансабына одан әрі табыс тілейміз!
