muscomplexpavl.edu.kz
2024,қараша,15 Павлодарда Қазақ КСР Халық әртісі Рүстембек Омаровтың 105 жылдығына арналған І Республикалық жас домбырашылар конкурсы өтті
15 қарашада Павлодарда Рүстембек Омаровтың 105 жылдығына арналған І Республикалық жас домбырашылар конкурсының салтанатты жабылуы өтті. Қазақстанның түрлі өңірлерінен 32 қатысушы бірнеше күн бойы шығармашылық дағдылармен жарысты, олардың ішінде ең үздіктері бағалы сыйлықтар, ақшалай сертификаттар алды, олардың арасында музыкалық колледж студенті Мейрханов Ғабиден және жүлделі 2-орынды иеленген «Қазақ халық аспаптары» бөлімінің оқытушысы М.Қ. Тулев болды.
Марапаттау рәсімі Естай атындағы МДК да өтті және бұл байқау Павлодар облысының маңызды имидждік жобасына айналды. Конкурстың мақсаты қазақтың үздік дәстүрлеріне сүйене отырып, ұрпақтар байланысын жүзеге асыратын, ұлтты біріктіретін, заманауи мәдениеттің жаңа форматтары мен оның басты құндылығы: шығармашылық адамның дүниеге келуіне мүмкіндік беретін құндылықтарға ықпал ету мен қалыптастыруға бағытталған.
Конкурсты ұйымдастырушылар-Павлодар қаласының әкімдігі, Естай атындағы мәдениет сарайы, И.Байзақов атындағы Павлодар облыстық филармониясы, Павлодар қаласындағы "Музыкалық колледж - дарынды балаларға арналған музыкалық мектеп-интернат" кешені" ММ.
Құрметті қонақтар қатарында Р.Омаровтың қызы Қарлығаш Омарова, ағайынды қарындасы Сәуле Қайдарова-Нұрсаидова, Темірболат Арғынбаевтің немересі Баян Рамазанова, Құрманғазы атындағы Қазақ ұлттық консерваториясының ректоры Гауһар Тасбергенова, Қазақ Ұлттық өнер Университеті ректорының міндетін атқарушы Раушан Нұртаза, Қазақстан журналистері одағы басқармасының төрағасы, «Құрмет» орденінің иегері Сейітқазы Матаев және т.б.
Қазылар алқасының төрағасы - ҚР еңбек сіңірген артисі, профессор Тұрар Әліпбаев. Қазылар алқасының мүшелері - ҚР еңбек сіңірген қайраткері, профессор Жанас Бекентұров, ҚР еңбек сіңірген қайраткері, дирижер Дәурен Глымов, И.Байзақов атындағы Павлодар облыстық филармониясының Р.Омаров атындағы қазақ ұлт аспаптар оркестрінің көркемдік жетекшісі, ҚР еңбек сіңірген қайраткері Талғат Кәрімов, «Музыкалық колледж – дарынды балаларға арналған музыкалық мектеп-интернат кешені» ММ басшысы, «ҚР білім беру ісінің құрметті қызметкері» төсбелгісінің иегері Серік Сыздықов.
