muscomplexpavl.edu.kz
2023,желтоқсан,11 Жас музыканттар Ресейден 21 жүлделі орынды әкелді
Омбыда П.П. Гусев атындағы үрмелі және соқпалы аспаптарда орындаушылардың бірінші халықаралық байқауы аяқталды, оған Ресей мен Қазақстанның 10 өңірінен 100-ге жуық жас музыкант қатысты.
Байқауды алғаш рет Омбы облысының мәдениет Министрлігінің қолдауымен В.Я. Шебалин атындағы Омбы музыкалық училищесі өткізді.
Байқау «Жеке орындау», «Ансамбльдер», «Оркестрлер» номинациялары бойынша үрмелі аспаптар (флейта, гобой, кларнет, фагот, саксофон, валторна, керней, баритон, тромбон, туба) және соқпалы аспаптар бағыты бойынша өткізілді.
Қазылар алқасының құрамына мәдениет және өнер қайраткерлері кірді. Қазылар алқасының төрағасы: Дурыгин Сергей Юрьевич - Ресей Федерациясының еңбек сіңірген әртісі, Ресей Федерациясы Қорғаныс министрлігінің Орталық әскери оркестрінің басшысы, полковник, Гнесиндер атындағы Ресей музыка Академиясының оқытушысы, бүкілресейлік және халықаралық байқаулардың лауреаты.
Байқау аясында қазылар алқасы мүшелерінің шеберлік сабақтары өтті: Кораллов Игорь Владимирович - Ресей Федерациясының еңбек сіңірген әртісі, М.И.Глинка атындағы Нижний Новгород консерваториясының профессоры, Достық орденінің кавалері, Нижний Новгород музыкалық училищесінің (колледжінің) директоры. Балакерева М. А., бүкілресейлік және халықаралық байқаулардың лауреаты (ұрмалы аспаптар). Якименко Татьяна Георгиевна - профессор, М.И.Глинка атындағы Магнитогорск мемлекеттік консерваториясының (академиясының) оркестрлік үрмелі және соқпалы аспаптар кафедрасының меңгерушісі, бүкілресейлік және халықаралық байқаулардың лауреаты (кларнет). Қатысушылардың географиясы: Нижний Новгород, Братск, Красноярск, Новосибирск, Нижний Тагил, Чита, Магнитогорск, Барнаул, Омбы, Қазақстан атынан Павлодар қаласы қатысты. Байқау жеңімпаздардың Гала-концертімен аяқталды, байқауда қатысушылардың жоғары орындаушылық деңгейі көрсетілді. 1 дәрежелі лауреаттар ақшалай сыйлықтармен марапатталды.
Құрманғазы Бақтияр, Мағамет Өміржан, Салимов Азиз үрмелі және соқпалы аспаптар номинациясында 1 дәрежелі лауреаттар атанды. Екінші жүлделі орынды Турегелді Жасұлан, Зайкин Артур, Седых Роман, Омаржанов Заурбек және Болат Шыңғыс иеленді. Жұмаділов Бисат Павлодарға 3 орын әкелді. Ақан Ақнұр, Жұмабай Ислам, Тен Алан байқаудың дипломанттары атанды.
Ағаш үрмелі аспаптар номинация бойынша Цыркевич Ольга, Жұмашев Рахымжан және Наби Асыл 2 орынды иеленді. 3 дәрежелі лауреаттар Жұмабекова Амина, Жангуттинова Мирал, Клопот Элизабет, Егеубай Батима. Бұл номинацияда екі дипломант Кауаш Адия және Романенко Лина.
Лауреаттарды дайындаған оқытушылар В. А. Шлегель., О.В.Шлегель, Э.С.Каирбаева, Ю.НДоморощенов., А.Ш.Тен, М.К.Мулкаразов, А.К. Нұғыманов және Т.А.Бондаренко, конкурсанттардың концертмейстерлері Е.В.Зинченко, Т.Н.Литвина, Н.Д.Якшова, Л.В.Костенко, Л.Н.Романенко және Д.В.Скворцова.
