muscomplexpavl.edu.kz
2023,қараша,20 «Астана Мерей» XIX халықаралық орындаушылар байқауының қорытындысы
«Астана Мерей» XIX халықаралық орындаушылар байқауының қорытындысы шығарылды. «Баян-аккордеон» номинациясы бойынша «Орыс халық аспаптары» бөлімінің 2 курс студенті Ногербек Ернұр конкурстың дипломанты атанды, оқытушы М.Н.Алимкулов. «Прима – қобыз» номинациясы бойынша З.С.Макарованың шәкірті Мэлс Айым конкурстың дипломанты болып жарияланды, А.Б. Канаеваның оқушысы Айкенова Айзера «Үміт» арнайы дипломын алды, Кенжебекова Елдана С.Т.Мусипованың сыныбы «Дәстүрлі ән» номинациясы бойынша А. Құнанбаев атындағы арнайы дипломға ие болды. «Қазақ халық аспаптары» бөлімінің студенті Баймыш Аяна 3 дәрежелі лауреат атанды, оқытушы Ж.Д.Кабышева, концертмейстер Л.В.Марченко. «Фольклорлық аспаптар» бағыты бойынша бір дипломант, ол Габдулбекова Дарина. «Қыл – қобыз» номинациясы бойынша 3 дәрежелі лауреат Жансугурова Айжан және конкурстың дипломанты Таласбаева Алтынай, оқытушы Р.А.Нагишпаева, жеңімпаздардың концертмейстері А.В.Серов. А.Жұбанов атындағы конкурстың арнайы жүлдесін Арынова Қымбат иеленді, оқытушысы К.О.Тютюнова. Байқау қорытындысы бойынша домбырашылар қатарынан екі дипломант, Т. М. Байбусынованың шәкірттері-Ғабиден Меирханов пен Диас Қайркен, Р.А.Сабекованың шәкірті – Адильжан Нуркаев жүлделі үшінші орынға ие болды.
