muscomplexpavl.edu.kz
2024,ақпан,2 Павлодарда күй кеші өтті
Павлодар қаласы әкімдігінің «Мәдениет және тілдерді дамыту бөлімі» ММ қолдауымен Павлодар музыкалық кешені жанындағы; колледждің 65 жылдығы, дарынды балаларға арналған музыкалық мектеп-интернатының 20 жылдығына арналған «Ғасырлар толғауы» атты танымдық күй кеші ұйымдастырылды. Жобаның мақсаты қазақ халқының ұлттық құндылығы күй өнерін өскелең ұрпақ пен халық арасында кеңінен насихаттап, сүйікті тыңдармандарға рухани демалыс тарту ету.
Жалпы концерттік жоба 3 циклдан тұрады, әр кезең бөлек жеке концерт ретінде өткізіледі:
1-цикл «Аңыз күйлер мен тарихи халық күйлері»
2 цикл «Қазақ күй өнерінің алтын ғасыры күйлері»
3 цикл «Қазіргі заман күйшілерінің күйлері»
Күй кешінде қазақтың ұлттық аспаптары жетіген, шертер, домбыра, қылқобыз, сыбызғы аспаптарында музыкалық кешеннің «Қазақ халық аспаптар» бөлімінің ұстаздары мен студенттерінің орындауында орындалады. Кеш 2 ақпанда «Қуат Әбусейітов атындағы мәдени-сауық жастар орталағында» өтті, ал көрермендер залы музыка әуесқойларына толы болды.
