muscomplexpavl.edu.kz
2024,cәуір,8 Түрегелді Жасұлан өзінің өнерімен Мәскеуді бағындырды
Мәскеу қаласында 25-30 наурыз аралығында XIII Халықаралық жас орындаушылардың арасында Ю. Н. Должиков құрметіне арналған конкурс-фестивалі өтті. Конкурс-фестиваль көрнекті педагог, П. И. Чайковский атындағы ММК профессоры Должиков Юрий Николаевичтің құрметіне арналды. Байқаудың мақсаты-үрлемелі аспаптар мектебінің үздік дәстүрлерін сақтауға және жалғастыруға, жас дарынды музыканттарды анықтауға назар аудару, оқытушылардың педагогикалық шеберлігін және үрлемелі аспаптарда орындаушылардың кәсіби шеберліктерін арттыруға ықпал ету.
Осы конкурсқа «Үрлемелі және соқпалы аспаптар» бөлімінің музыкалық колледжінің 1 курс студенті Түрегелді Жасұлан қатысып, 2 дәрежелі лауреат атанды. Мәскеуде Павлодар облысының музыканттарының үрлемелі және ұрмалы аспаптар бағытындағы дайындық деңгейлерін жоғары бағалады. Жасұланның оқытушысы «Павлодар облысының білім беруді дамытуға қосқан үлесі үшін» төсбелгісінің иегері Шлегель В. А.
«Жеңіс маған жаңа мақсаттарға жету, кемелдікке ұмтылу үшін қосымша күш пен мотивация береді және сенің күш-жігерің бекер өтпегенін білесің, өзіңнің өнерпаздар арасында үздік атанғаның, бұл жетістіктерге ерекше мән береді», - деді, Ю. Н. Должиков атындағы XIII Халықаралық ағаш, мыс үрлемелі және ұрмалы аспаптар бойынша жас орындаушылар байқауының лауреаты -Түрегелді Жасұлан.
