muscomplexpavl.edu.kz
2024,қараша,13 Павлодар вокалистері Қазақстан Республикасы «Вокалистер Одағының» арнайы жүлдесі мен бірінші орынның иегерлері атанды
Ақтөбе қаласында Ә.Жұбанов атындағы музыка колледжіндегі вокал бөлімінің оқытушысы Николай Таубековтің 70 жылдығына орай Қазақстан Республикасының музыкалық колледждері оқушыларының республикалық конкурсы және «Шәкірттер шеруі» концерті өтті.
Конкурсқа Астана, Алматы, Павлодар, Маңғыстау, Атырау, Қызылорда облыстарының вокалистері мен Ақтөбе колледжінің студенттері қатысты.
Ережеге сәйкес бірінші турда XVI-XVIII ғасырлардағы опералар мен қазақ композиторларының ариялары, сондай-ақ қазақ халық әндері шырқалды. Екінші турға орыс немесе еуропалық композиторлардың операларынан, Ахмет немесе Ғазиза Жұбановтардың романстарынан арияларды орындаған он бір қатысушы қатысты.
Конкурстық комиссияның жұмысына қазылар алқасының төрағасы ретінде Қазақстанның Халық әртісі, ҚР Мемлекеттік сыйлығының лауреаты, кезінде Құрманғазы атындағы консерваторияда мерейтой иесінің ұстазы болған, профессор Шахимардан Әбілов шақырылды.
Жеңімпаздарды марапаттау рәсімі 9 қарашада «Шәкірттер шеруі» концертінің алдында өтті. Павлодар қаласындағы музыкалық колледжінің 3 курс студенті Әсия Дәулетқали Қазақстанның «Вокалистер Одағынан» арнайы сыйлық алды.
Павлодар қаласы музыкалық колледжіндегі «Вокалдық өнер» бөлімінің 3 курс студенті Г.Т.Әлжанованың шәкірті Адиль Аленов 1-дәрежелі лауреат аттанды, жеңімпаздарының концертмейстері «Фортепиано» бөлімінің 4 курс студенті Қаз Мағжан.
Конкурс жеңімпаздарын марапаттау рәсімі мен концерт Мадина Қабижанованың жетекшілігімен А.Жұбанов атындағы оркестрдің сүйемелдеуімен өтті. Шахимардан Қайдарұлының орындауындағы Абай Ариясы операның қойылымы кештің сәніне айналды.
Мерейтойлық концертке Алматыдан арнайы келген Николай Таубековтің шәкірттері, отандық эстрада жұлдыздары Қайрат Игликов пен Мирас Бекжанов қатысты.
