muscomplexpavl.edu.kz
2021,қараша,11 "Елбасы Академиясына" музыкалық колледждің түлегі шақырылды
Музыкалық колледж өз түлектерімен әйгілі, олардың есімдері тек Қазақстан Республикасында ғана емес, сонымен қатар одан тыс жерлерде де танымал. Осындай түлектердің бірі-Лодочников Алексей, мемлекеттік «Рухани жаңғыру» бағдарламасы аясында «Қазақстанның 100 жаңа есімі» республикалық жобасының жеңімпазы, республикалық және облыстық байқаулардың лауреаты, облыстық «Тәуелсіздік тірегі-тіл» патриоттық байқауының бірінші жеңімпазы, «Үздік әнші» Алтын дискісінің иегері, Отан туралы патриоттық әндердің авторы және орындаушысы, актер, блогер, қоғам қайраткері, студенттік жылдарында «Музыкалық колледж-дарынды балаларға арналған музыкалық мектеп - интернат» кешені» ММ-нің «Жас Отан» жастар қанатының жетекшісі болып, бүгінгі күні «Нұр Отан» партиясының өкілі, Қазақстан халқы Ассамблеясының мүшесі, Ақан серінің «Балқадиша» шығармасын әлемдік жұлдыз Димашпен бірге орындаған.
Белсенді өмірлік ұстанымы, ұйымдастырушылық қабілеті, бірнеше тілді еркін меңгеруі, іс-шараларды өткізу кезінде импровизацияға шебер көзқарас, көрермендердің сүйіспеншілігі мен қалауы, Отанға және таңдаған мамандығына деген терең патриоттық сезімі, еңбексүйгіштік, батылдық пен табандылық Алексейді қазіргі заманның табысты адамына айналдырды. Біздің колледж өзінің түлектерін мақтан тұтады, олардың мансаптық өсуі, кәсіби дамуы және танымалдығы күн сайын қуантады
. Бүгін Алексейді Қазақстан Республикасы Тұңғыш Президенті Қоры жанындағы «Елбасы академиясындағы» жаңа жұмыс орнымен құттықтағымыз келеді және өз аудиториясын шығармашылық жаңалықтармен қуантуды, өмірлік мақсаттарының іске асырылуын тілейміз, барлық арман-тілектері орындала берсін.
Жолың ашық болсын, Леша!
