muscomplexpavl.edu.kz
2021,қараша,04 Успен ауданында күйшілер кеші өтті
Успен ауданында күйшілер кеші өтті. Рухани шара аудандық мәдениет бөлімі мен «Жебе» қоғамдық бірлестігінің ұйымдастыруымен, аудан әкімінің қолдауымен өтіп отыр. Күй кешіне Павлодар қалалық музыкалық колледжінің студенттері мен оқытушылары, сондай-ақ, әр ауданнан домбыра, қобыз, сыбызғы шеберлері ат салысты.
Облыстық күйшілер кешін аудан халқы айрықша мәдени шара ретінде қабылдауда. Шеткері ауданда шертпе күй щеберлері аз болса да болашақтан үміт бар. Өйткені, аудандан мәдениетін дамтыу жолында біршама істер атқарылған. Соның бірі балалар муызка мектебінің ашылуы. Шараның шымылдығын да сол мектепдің оқушылар оркестрі ашты.
Ербақ Иманбай, аудандық мәдениет үйінің көркемдік жетекшісі:
Сол музыкалық мектептегі оқушыларға бір серпін болсын, оларға бір күш-қуат болсын деген себеппен Павлодар қаласындағы музыкалық колледждің студенттері алып келіп, оқушыларға үлгі ету мақсатында өтіп жатқан аудандық муызкалық кеш. Шара мақсаты- қазақ даласындағы әр өңірлік күйшілік мектепті халыққа таныстыру.
Ұйымтастырушылар бұл мақсатына жетті деуге болады. Шараға қатысқан күй шеберлері Атырау-Жайықтың адуынды, төкпе күйлерінен бастап, Арқаның сырбаз, шерпе күйлерін де шебер орындай білді.
Жанасыл Серікбол, тілші:
Күй өнері мыңжылдықтардан бері жалғасып кледі. Қатысушылар Қорқыт, Құманғазы, Тәттімбет күйлерін тартуда. Дәл қазір әйгілі Нұғиса Тілендиевтің Аққу күйі тартылуда.
Құманғазы оркестірінің алғашқы солист домбырашырының бірі Рүстембек Омаров Кереку өіңрінің түлегі екені белгілі. Сондықтан, жан-жақты қолдап, күй өнерінің дүбірлі мектебін аймағымызда да жаңғыртуға болады. Күйшілер Успен ауданы төрінде өткен өнер кеші болашақтағы ірі шаралардың бастамасы деген үмітте
Ерасыл Әділбеков, күйші:
Осындай ұйымдастырушылар көп болсын дейміз. Әр ауданда осындай кештер өтуі керек деймін. Сондықтан, ұйымдастырушыларға алғысымды білдіремін.
Соңғы уақытта Павлодар облысы күй өнерінің дамуына біршама серпін жасалуда. Соның бір дәлелі жақын уақытта күйшілер одағының өңірлік филиалы ашылмақ.
Жанасыл Серікбол
https://pavlodartv.kz/kz/news/culture/uspen-audanynda-kuishiler-keshi-otti
