muscomplexpavl.edu.kz
2021,қараша,23 Музыкалық колледжінің оқытушысы Мади Ботагузов Гран-При иегері
Музыка колледждің оқытушысы Ботагузов Мади Сагатович мәдениет және өнер саласындағы колледждердің арнайы пәндер оқытушылары арасындағы Республикалық кәсіби шеберлік байқауының Гран-При иегері атанды. Бұл байқау Қазақстан Республикасы Білім және ғылым министрлігінің бастамасымен алғаш рет Тараз қаласында, 15-19 қараша аралығында Абай атындағы Жамбыл Жоғары гуманитарлық колледжінің базасында өткізілді. Байқауға Республика колледждерінің 40-тан астам оқытушысы «Аспаптық орындаушылық» аспаптар бойынша, «Вокалдық өнер», «Сәндік-қолданбалы және халықтық кәсіпшілік өнер», «Кескіндеме», «Хореографиялық өнер», «Актерлік өнер» номинацияларында қатысты. Павлодар облысы атынан «Аспаптық орындау» номинациясы бойынша «Музыкалық колледж – дарынды балаларға арналған музыкалық мектеп-интернат» Кешені" ММ баян сыныбы оқытушы Ботагузов Мади Сагатович қатысты. Байқауда Мади Ботагузов түрлі жанрдағы шығармалар, И.С.Бах, В.Демченко, Қ.Ахмедияров, Д. Сұлтановтың өңделген халық әуендері мен әндерін орындады. Байқаудың қазылар алқасы оқытушының жоғары орындаушылық шеберлігін, бірегейлігі мен кәсібилігін атап өтті.
Мәди Сағатұлы түрлі республикалық және халықаралық конкурстарға белсенді қатысып, өзінің орындаушылық қызметін тоқтатпай келеді. Ол «Шабыт», «Құрманғазы атындағы», «Лира Прииртышья», «В.Ф. Беляковтың жүлдесіне», «С. Сайдашев атындағы», «Еуразия Кубогы», «От Рождества к Рождеству» және т. б. түрлі деңгейдегі жиырмадан астам конкурстар мен фестивальдердің жеңімпазы. Сонымен қатар байқаулар шеңберінде концерттік бағдарламалармен Қазақстан, Ресей, Беларусь, БАӘ, Малайзия және Италия қалаларында гастрольдік сапарлармен болды.
Мади Сагатович Павлодар қаласындағы «Музыкалық колледж – дарынды балаларға арналған музыкалық мектеп-интернат» Кешені» ММ, Нұр-сұлтан қаласындағы «Қазақ ұлттық өнер университеті» РММ түлегі. Баян сыныбы бойынша үздік педагогтардан және еліміздің еңбек сіңірген мұғалімдері - Тамара Павловна Креймерден (Подхватилина), Қазақстан Республикасы Білім беруі ісінің құрметті қызметкері Алимкулов Мейрман Нурланович, Татарстан Республикасының Еңбек сіңірген әртісі, профессор Султанов Дамир Рафхатовичтен білім алды.
Қазіргі уақытта Мади Сагатович дарынды балаларға арналған музыкалық мектеп-интернатының орыс халық аспаптары бөлімінің меңгерушісі және музыкалық колледжде баян және аккордеон сыныбы оқытушысы, Иса Байзақов атындағы облыстық филармонияның Рүстембек Омаров атындағы қазақ халық аспаптары оркестрінің әртісі болып жұмыс істейді.
Қазіргі таңда орындаушылық қызметімен қатар, өзінің педагогикалық жұмысын жалғастыруда. Ботагузов Мади Сагатович сыныбының оқушылары Павлодар, Степногорск, Көкшетау, Семей, Атырау, Алматы, Нұр-сұлтан, Орск, Омбы, Барнаул, Астрахань, Челябинск, Уфа, Қазан, Мәскеу қалаларында өткен республикалық, халықаралық конкурстардың бірнеше мәрте лауреаттары.
