muscomplexpavl.edu.kz
2022,мамыр,24 «Кербез» ансамблі Ресейдің беделді конкурсының жеңімпазы атанды
«Н.А. Римский-Корсаков атындағы Санкт-Петербург мемлекеттік консерваториясы» жоғары білім берудің федералды мемлекеттік бюджеттік білім беру мекемесінің этномузыкология кафедрасы, А.М. Мехнецов атындағы фольклорлық-этнографиялық орталығы, халықтық музыкалық шығармашылық кабинеті, Санкт-Петербург аймақтық қайырымдылық қоғамдық ұйымы «Орыс дәстүрлі мәдениеті қоғамы» Ресей халықтарының мәдени мұрасы жылы аясында VI Халықаралық «ВСЕЛИСТВЕННЫЙ ВЕНОК» фольклорлық ұжымдарының фестиваль-конкурсын ұйымдастырып өткізді. Фестиваль-конкурс Ресей Федерациясының Ағарту Министрлігінің бұйрығына сәйкес, Санкт – Петербург қаласында Президенттік гранттар қорының қолдауымен Ресей Федерациясы Президентінің азаматтық қоғамды дамытуға арналған гранты бойынша «Традиция в движении» әлеуметтік маңызды жобасы аясында өтті. Осындай ауқымды және маңызды жобаға музыкалық колледждің «Қазақ халық аспаптары» бөлімінің студенттері «Фольклорлық ұжымдар» бағытында қатысты. Конкурс қорытындысы бойынша Павлодар облысының жетістіктер қоржынын «Кербез» ансамблі екінші орынды иеленіп толықтырды және Қазақстан Республикасын Халықаралық деңгейде тағы да даңқтады. Шығармашылық ұжымның жетекшісі «Қобыз» сыныбы бойынша тәжірибелі оқытушы, халықаралық және республикалық деңгейдегі беделді, кәсіби конкурстардың көптеген лауреаттары мен жеңімпаздарын дайындаған Ертіс өңірінің мықты музыканттарының бірі - Нагишпаева Раушан Аблаевна.
