muscomplexpavl.edu.kz
2022,қазан,18 Жерлестеріміз Global Art Competition байқауының үздіктері қатарына кірді
Қазақстан Республикасы күнін мерекелеу қарсаңында «Global Art Competition-2» ауқымды халықаралық жобасына Павлодар облысынан музыкалық колледждің делегациясы қатысты. Байқау Түркия елінің Алания қаласында 10-16 қазан аралығында өтті. Түркия, Грузия Қазақстаннан 60 астам музыканттар қатысты. Музыкалық колледждің студенттері мен оқытушылары үлкен жетістіктерімен Павлодар қаласының және бүкіл Қазақстан Республикасының абыройын асырды.
Жүлделі бірінші орындарға оқытушылар Нағишпаева Раушан мен Қайыргелдіқызы Өркен және «Қазақ халық аспаптары» бөлімінің студенттері Кенжеш Дария мен Жансүгірова Айжан иеленді. Бірінші орын мен лауреат атағын «Ішекті аспаптар» бөлімінің 1 курс студенті Абишева Малика жеңіп алды, жетекшісі - Қазақстан Республикасының білім беру ісінің құрметті қызметкері Я.О Касьян. «Үрлемелі және соқпалы аспаптар» бөлімінің студенті Сургутанова Дарья елімізге І орын әкелді. Оқытушылар Г.М. Анишева және К.Ж. Исина 2-дәрежелі лауреат атанды. М.С. Ботагузовтың шәкірті - Мякота Кирилл екінші орынды қанжығасына байлады.
Музыкалық колледждің оқытушылары мен студенттерін жарқын жеңістерімен құттықтаймыз және шығармашылықтың биік шыңдарына жетуді тілейміз.
