muscomplexpavl.edu.kz
2023,наурыз,16 Ұлыстың ұлы күні-Наурыз мерекеміз қарсаңында Кешенімізде бір апта бойы ауқымды мерекелік іс-шаралар өткізілді
Ұлыстың ұлы күні-Наурыз мерекеміз қарсаңында Кешенімізде бір апта бойы ауқымды мерекелік іс-шаралар өткізілді.Әсем әндер мен сыршыл күйлермен өткен Наурыз-думан мерекелік концерті арнайы қонақ болған, құрметті ақсақалымыз, ҚР мәдениет қайраткері, Республикалық батагөйлер сайысының 1орын иегері Балтабай Сыздыков Сакенұлының осы күнгі дәстүрге сай ақ батасымен ашылып, тойшыл қауымның ұлттық тағамдармен әрленген ақ дастарханнан дәм татуымен, дәмі тіл үйірер наурыз көжемен, палаумен, сонымен қатар ыстық бауырсақтарымен өрбіді. Арнайы шақырылған Ұстаз-ардагерлерімізге «Наурыз» базарлық сый-сияпаты тарту етілді. Сонымен қатар, мерекеміздің көркін Н. Нұрмұхаммедов атындағы Павлодар облыстық көркемсурет музейінің «Шабыт қанатында» атты көрмесі келтірді. Келген қонақтарымыз күні бүгін алған қуаныш әсерлерімен бөлісіп, жылы лебіздерін білдіріп жатыр. Армысың,Әз Наурыз! Жаңа жылда тек молшылық, береке бірлік орнап, бейбіт аспанда көк туымыз желбірей берсін!
Мақала авторы – Утемиосва С.Р.
