muscomplexpavl.edu.kz
Музыкалық колледжде «Жас музыкант» байқауы өтті
Музыкалық колледжде жыл сайын өтіп жатқан 57-шы республикалық «Жас музыкант» байқауының облыстық кезеңіне Павлодар облысының қалалары мен аудандарынан 100-ден астам қатысушы жиналды. «Ішекті-ысқылы аспаптар» және «Үрлемелі және соқпалы аспаптар» номинациялары бойынша облыстың балалар музыка мектептері мен өнер мектептерінің оқушылары өнер көрсетеді. Байқау 2 күнге созылып, облыстық кезеңнің жеңімпаздары ағымдағы жылдың наурыз айында өтетін республикалық турда облысымызды таныстыру мүмкіндігіне ие болады.
Байқаудың ұйымдастырушылары: Павлодар облысының білім беру басқармасы «Музыкалық колледж – дарынды балаларға арналған музыкалық мектеп-интернат» кешені ММ бірлесіп өткізуде.
Фестиваль-конкурстың мақсаты – музыкалық дарынды білім алушыларды, талантты балалар ұжымдарын дамыту және қолдау, олардың шығармашылық белсенділігін, кәсіби бағытын ынталандыру.
Қазылар алқасының төрағасы - Серик Касымханович Сыздыков – «Музыкалық колледж–дарынды балаларға арналған музыкалық мектеп-интернат» кешені» ММ басшысы.
Қазылар алқасының мүшелері: Шлегель Ольга Владимировна, Мулкаразов Мухит Кабышевич, Тен Айман Шорабековна , Доморощенов Юрий Николаевич, Усенов Диас Алданович, Касьян Яна Оганесовна, Федорова Елена Владимировна, Быкова Виктория Викторовна.
Павлодар облысының балалар музыка мектептері және өнер мектептерінің білім алушыларының - жас музыканттардың 57-ші облыстық фестиваль-конкурсының қатысушылары: Павлодар қаласының балалар саз мектептері, Екібастұз қаласының Естай атындағы балалар саз мектебі, Железинка ауданының өнер мектебінің ұжымдары.
Байқауға қатысу жас сайыскерлердің жүрегінде ұмытылмас сезімдер қалдырды. Байқауға қатысқандардың барлығын құттықтаймыз және шығармашылық жеңістер тілейміз.
