muscomplexpavl.edu.kz
2024,наурыз,16 1 тур өтті
16 наурыз күні, "Музыкалық колледж-дарынды балаларға арналған музыкалық мектеп-интернат" ММ-де дарынды балаларға арналған музыкалық мектеп-интернатының 20 жылдығына және Музыка колледжінің 65 жылдығына арналған Қазақстанның -мамандандырылған музыкалық мектептері мен колледждерінің (кешендердің жанындағы) оқушылары мен студенттері арасында II Республикалық жас орындаушылар конкурсының 1 туры өтті.
Бүгін музыкалық колледждің концерт залында үш номинацияда: I, III және IV жас топтары аралығында жас орындаушылардың "Үрлемелі ағаш аспаптары", "Үрлемелі мыс аспаптары" және "Ұрмалы аспаптар" бойынша турдың 1 кезеңі өткізілді.
Қазылар алқасының құрамында Қазақстанның белгілі музыканттары болды:
- Шәкенов Бағдат Тайлақұлы. (Төраға) "Мәдениет Қайраткері", Қазақ ұлттық опера және балет театрының кларнет тобының концертмейстері. Абай, Қазақстан Республикасы Мемлекеттік үрмелі оркестрінің концертмейстері, «Күләш Байсейітова атындағы дарынды балаларға арналған республикалық мамандандырылған орта мектеп-интернатының» оқытушысы.
- Нина Михайловна Григорьева. Қазақ ұлттық өнер университетінің үрлемелі және ұрмалы аспаптар кафедрасының доценті, төсбелгілердің иегері. "Ыбырай Алтынсарин", "Мәдениет саласын үздігі".
- Бондаренко Татьяна Алексеевна. Павлодар облысының білім беру саласына қосқан үлесі үшін төс белгінің иегері, «Музыка колледжі-дарынды балаларға арналған музыка мектеп-интернат, кешенінің» "Үрлемелі және соқпалы" аспаптар бөлімінің оқытушысы.
Қатысушылар екі конкурстық шығарманы орындады: «Үлкен форма» және пьеса. Орындаушылардың бағдарламасы көрермендерді алуан түрлігімен қуантты. Сондай-ақ, Барокко дәуірінің керемет экспрессивті музыкасы мен қазіргі заманғы композиторлардың музыкасымен күрделі ырғақта өзгертіліп отырды.
Сонымен қатар, концертмейстерлердің жоғары орындаушылық қабілеттерін атап өткім келеді. Олар қатысушыларды шабыттандыра отыра, қолдап, сонымен бірге байқауда қатысушылармен бірге шығармалардың көркемдік бейнесін ашуға көмектесті.
Жас музыканттар сахна төрінде өздерінің өнерлерімен бірнеше рет көрермендердің қошеметіне бөленді. Сайыскерлер өздерінің орындаушылық шеберліктерімен жоғары және лайықты деңгейде өнер көрсетті.
Қорытындылай келе, байқаудың 1 туры сәтті өтті деген ойдамыз.
2 турда барлық қатысушыларға табысты өнер көрсетулерін тілейміз.
Оқытушы Чумакова Л.М. және ТМБ-нің 4 курс студенттері Қазбекпаева А., Темирова А.
