muscomplexpavl.edu.kz
2024,cәуір,11 Өнер қамқоршысы
11 сәуір күні Қаныш Сәтбаевтың 125 жылдық мерейтойына орай Павлодар облысының білім беру басқармасы, музыкалық колледж – дарынды балаларға арналған музыкалық мектеп-интернат кешені және Байзақов атындағы Павлодар облыстық филармониясының бастамасымен «Өнер қамқоршысы» атты облыстық іс-шарасы өтті. Академиктің мерейтойына орай өңірімізде «Өнер қамқоршысы» жобасы іске асырылды. Ғылыми-зерттеу жұмысын әзірлеуге «Музыкалық колледж – дарынды балаларға арналған музыкалық мектеп-интернат» кешені оқытушылары ат салысты. Жоба жетекшісі - Қазақстан Республикасының Мәдениет үздігі С.К. Сыздықов. Әдістемелік ұсынымның авторлары және құрастырушы-ресімдеушілері: Г.Д. Капашева, Д. С. Абетова, А. Д. Арынова, Г.М.Шапиева, Н.Е. Бастемиева, Г.М. Анишева, Н.К. Асылбекова, А.Г. Курумбаева, Ш. Ж. Трушева, А.А.Карашина, А.М.Арцханова Бұл жобаның мақсаты – Қаныш Сәтбаевтың музыкадағы келбетін және оның дәстүрлі ән мәдениетін сақтауға, өскелең ұрпақ арасында қазақ ән мұрасын насихаттауға қосқан үлесін ашу. Іс-шара А.Байтұрсынұлы атындағы инновациялық үлгідегі жалпы орта білім беру мектебі КММ -нің қолдауымен өтті.
