muscomplexpavl.edu.kz
2025,сәуір,2 Баяннан әлем чемпионы Олжас Нурлановтың шығармашылық кездесуі және жеке концерті
2025 жылдың 2 сәуірінде Естай атындағы қалалық мәдениет сарайында классикалық және халық музыкасын сүйетіндер үшін бірегей оқиға болмақшы - баяннан Әлем чемпионы, халықаралық байқаулардың лауреаты Олжас Нурлановтың жеке концерті өтті. Бұл маңызды мәдени оқиға тыңдаушыларға осы таңғажайып аспаптың жоғары шеберлігі мен шексіз мүмкіндіктері әлемін ашты.
Олжас Нурланов – Қазақстан Республикасының Павлодар қаласының тумасы.
«Музыкалық колледж – дарынды балаларға арналған музыкалық мектеп-интернат» ММ Қазақстан Республикасының білім беру ісінің құрметті қызметкері, әкесі М.Н. Алимкуловтың сыныбында және Астана қ. ҚазҰӨУ профессоры, Татарстан Республикасының еңбек сіңірген әртісі Д.Р. Султановтың сыныбында білім алған. Гнесин атындағы РМА түлегі, Ресей Федерациясының халық әртісі, профессор Ф.Р. Липс сыныбында.
Қазақстан, Ресей, Қытай, Германия қалаларында өткен Бүкілресейлік және халықаралық байқаулардың лауреаты. «PIF Castelfidardo 2024» халықаралық конкурсының Абсолютті жеңімпазы, Кастельфидардо қ., Италия; Германия мемлекетіндегі Мюнхен қаласында өткен Әлем Кубогында («Coupe Mondiale») жеңіске жеткеннен кейін «Әлем чемпионы 2021» атағының иегері. «Москва встречает друзей» (көр. жет. В.Т. Спиваков); «Зимний международный фестиваль искусств» (к. ж. Ю.А. Башмет); «Баян и баянисты» (к. ж. Ф.Р. Липс); «Казахстан баян-фест» (к. ж. Д.Р. Султанов); «Фестиваль РНО» (к. ж. М.В. Плетнев) және т.б. халықаралық фестивальдерінің қатысушысы.
Қазақстан Республикасы мен Ресей Федерациясының президенттерінің алдында бірнеше рет өнер көрсетті.
Қазақстан, Ресей, Италия, Швейцария, Германия, Сербия, Босния және Герцеговина, Қытай елдерін аралап, белсенді концерттік қызмет жүргізуде. Қазылар алқасының мүшесі ретінде халықаралық конкурстарға қатысады. М.М. Ипполитов-Иванов атындағы мемлекеттік музыкалық-педагогикалық институтындағы «Оркестрлік халық аспаптары» бөлімінде оқытушылық қызмет атқарады.
Сахнада ол классикалық шығармалардан бастап, халық әуендеріне дейінгі музыкалық түрлерді үйлестіріп, әр концертке ерекше атмосфера мен орындау стилін әкеледі.
Концерт бағдарламасында белгілі классиктердің, романтиктердің, қазақстандық композиторлардың шығармалары бар.
Көрермендерді керемет музыка ғана емес, сонымен қатар әртістің өнердегі өз жолы туралы айтып, халықаралық байқауларға қатысудан алған әсерлерімен бөлісіп, көрнекті музыканттармен жұмыс тәжірибесі туралы әңгімелесетін шығармашылық кездесу және ұмытылмас сәттерге толы кеш болды.
