2019,желтоқсан,09 «Қазақстан Республикасының 100 үздік студенттері» жобасының жалғыз музыканты шетелде

Неліктен музыкалық колледждің студенті, «Қазақстан Республикасының 100 үздік студенттері» жобасының жеңімпазы Рахымжанова Амина шетелге сапар шекті. Ертіс өңірінің үміті мен мақтанышы Рахимжанова Амина 5-желтоқсан күні Мәскеуге Халықаралық орыс романсиада байқауына қатысу үшін барғаны белгілі болды, ал бүгін жас жұлдызымыздың «Надежда Романсиады» атты арнайы дипломның иегері болғаны аңықталды. Амина консерватория студенттерімен қатар бақ сынасты, ол Қырғызстанда өткен жарыс бағдарламасының бірінші кезеңінде байқауға қатысушылардың арасында ең жас қатысушысы болды. Онда Амина романсиаданың екінші кезеңіне Мәскеуге жолдама алған болатын. Аминаның мұғалімі О.Н. Скорикованың вокал мектебін, жалпы Павлодар музыкалық колледжінің вокал мектебін биік деңгейде таныстырды.
Қазылар алқасы Аминаның орындауында итальяндық вокал мектебінің нақышы барын атап өтті. Олар тіпті: «Сізде Чечилия Бартоли мұғалімі бар шығар?» деп қалжыңдады. Амина «Қазақстан Республикасының 100 үздік студенттері» жобасын жеңіп алған студенттердің қатарында, әртүрлі деңгейдегі байқаулардың бірнеше дүркін жеңімпазы. Дарынды вокалист үшін биылғы оқу жылы өтте жемісті. Әр апта сайын Амина Павлодарға жеңіспен және лауреат атағымен оралады. Мәскеуде Қазақстан Республикасының атынан өнер көрсеткен Амина, қазылар алқасының ж үрегін жаулап , Мәскеу Үкіметінің, РФ Мәдениет министрлігінің, Мәскеу қаласының Мәдениет департаментінің, «Русский мир» қорының, «Россотрудничество» федералды агенттігінің және «Романсиада» қайырымдылық қорының дипломымен марапатталды.