muscomplexpavl.edu.kz
2020,қараша,20 Нұрсұлтан Назарбаев қорының шәкіртақы алушылары
16 қарашада Нұрсұлтан Назарбаев Қоры 2020 шәкіртақы алушыларының есімдері белгілі болды. Биыл байқауға Нұрсұлтан, Алматы, Шымкент, Ақтөбе, Қарағанды, Қаскелен, Көкшетау, Қостанай, Петропавл, Семей, Талдықорған, Тараз, Түркістан, Өскемен және Павлодар қалаларынан 354 өтінім келіп түсті. Бұл байқау оныншы рет өтті. Осы уақыт ішінде Қордың шәкіртақы алушылары 719 адам болды. Байқауға қатысу үшін студенттер академиялық үлгерімнің максималды көрсеткіштеріне, студенттер мен оқытушылар арасында беделге ие болуы, оқу орнының қоғамдық, ғылыми- зерттеу және тәжірибелік қызметіне белсенді қатысуы қажет. Шәкіртақы алушылар екі жыл оқу барысында GPA балы жоғары транскрипттер, сертификаттар, грамоталар, дипломдар, ғылыми жұмыстарының болуымен және конференциялар мен симпозиумдарда сөз сөйлеуімен өз жетістіктерін растайды.
Биылғы жылы музыкалық колледж студенттері Қордың шәкіртақысына ие болғанын мақтанышпен хабарлаймыз – «Үрлемелі және соқпалы аспаптар» бөлімінің студенті, республикалық және халықаралық байқауларының бірнеше дүркін лауреаты, «Менің жетістігім – елдің жетістігі» патриоттық облыстық байқауының жеңімпазы, Б.Шүкенов атындағы стипендияның иегері, оқытушы О.В. Шлегель сыныбының оқушысы Борисов Даниил және «Қазақ халық аспаптары» бөлімінің студенті, республикалық және халықаралық байқауларының бірнеше дүркін жеңімпазы, «Рухани жаңғыру» мемлекеттік бағдарламасы шеңберінде «Ұлы дала ұрпағы» байқауының лауреаты, «Аманат» этно-фольклорлық ансамблінің мульти аспапшысы, Омар Назира (жетекшісі «Мәдениет қайраткері» Р.А. Сабекова) жеңімпаз атанды.
Павлодар облысының жарқын жұлдыздарын құттықтаймыз және музыкалық шыңдарды бағындыруды жалғастыруды тілейміз!
