muscomplexpavl.edu.kz
2021,мамыр,24 «Павлодар музыка кешенінің педагогы «ҚР Мәдениет саласының үздігі» төсбелгісіне ие болды
Бүгін «Музыкалық білім беру» бөлімінің оқытушысы Макышбаева Гульнафис Тулеубековна мәдениет саласын дамытудағы еңбегі үшін, хор дирижерлау мамандығы бойынша білікті мамандарды даярлаудағы үлкен үлесі үшін – «Қазақстан Республикасының мәдениет саласының үздігі» төсбелгісімен марапатталды. Төсбелгі мен куәлік табыстау рәсімі «Музыкалық колледж – дарынды балаларға арналған музыкалық мектеп – интернаты» кешені» ММ басшысы С.К. Сыздыковтың кабинетінде өтті және музыкалық колледждің ресми Instagram парақшасы арқылы тікелей эфирде көрсетілді.
Г.Т. Мақышбаеваның көп жылдық хормейстерлік қызметі әртүрлі хор ұжымдарымен: Қ. Әбусейітов атындағы мәдени – демалыс орталығының балалар хорымен, С. Торайғыров атындағы Павлодар мемлекеттік университетінің студенттік хорымен, музыкалық колледждің «Ертіс тамшылары» студенттік хорымен, дарынды балаларға арналған интернаттың «Хор дирижерлау» бөлімінің «A'uen» балалар хорымен байланысты. Гульнафис Тулеубековнаның жетекшілігімен шығармашылық ұжымдар үнемі кәсіби байқауларда жүлделі орындарға ие болып, музыкалық колледждің ғана емес, Павлодар облысының жетістіктер қоржынын толтыруда.
«Қазақстандық хор дирижерлері» қоғамдық бірлестігінің өкілі Макышбаева Гульнафис Тулеубековнаның жоғары кәсібилігі, жұмысқа қабілеттілігі, өз ісіне адалдығы, белсенді өмірлік ұстанымы оның зияткерлік-мәдени, адамгершілік, педагогикалық және әлеуметтік - медиалық қызметінің басты құндылықтары болып табылады.
