muscomplexpavl.edu.kz
2021,қыркүйек,21 Табыс формуласы
Бүгін музыкалық колледждің конференция залында Қазақстан Республикасы Тәуелсіздігінің 30 жылдығына арналған Кешен басшысы С.К. Сыздыков пен Павлодар облысы бойынша «Halyk Bank» филиалының басшысы Е.Ж. Айтжановтың қатысуымен «Табысқа жету формуласы» атты тамаша іс-шарасы өтті. Студенттер құрметті қонаққа өздерін қызықтырған сұрақтарын қойып, мақсаттар мен міндеттерге қол жеткізу және оларды іске асыру бойынша, болашаққа қатысты кеңестер мен ұсыныстар алды. Ернар Жасқайратұлы табысты адамның басты құпияларымен бөлісті.
Іс-шара соңында Павлодар облысы бойынша «Halyk Bank» филиалының өкілдері «Book_for_me» музыкалық колледж жобасының төрағасы Айдос Әубакиров және оқу орнының ресми аккаунтының СММ белсенділеріне шығармашылық идеяларды ілгерілету үшін инновациялық сыйлықтар табыс етті.
Музыкалық колледждің барлық студенттерінің атынан Павлодар облысы бойынша «Halyk Bank» филиалына колледждің тарихи оқиғаларын ілгерілетуге өлшеусіз үлес қосқаны үшін шын жүректен алғысымызды білдіреміз. Игі істер назардан тыс қалмайды, осы сыйлықтардың көмегімен ойластырылған жоспарларды, біз үшін маңызды естеліктерді іске асыра аламыз және Павлодар облысының мәдени оқиғаларын түсіре аламыз.
