muscomplexpavl.edu.kz
2022,мамыр,20 Музыкалық колледжде Роза Бағланованың 100 жылдығына арналған «Іңкәрім – ай» атты облыстық вокалдық конкурсы өтті
Музыкалық колледжде КСРО Халық әртісі, Халық қаһарманы Роза Бағланованың 100 жылдығына арналған «Іңкәрім – ай» атты облыстық вокалдық конкурсы өтті. Конкурсқа музыка мектептерінің, студиялардың, мамандандырылған музыка мектептерінің оқушылары І санат - 9 жастан 11 жасқа дейін, 2 - санат 12 жастан 16 жасқа дейін келесі номинациялар: халық әні, академиялық вокал, эстрадалық вокал бойынша қатысты. Іс-шараның негізгі мақсаты-балалардың қабілеттері мен таланттарын анықтау, қолдау және дамытудың тиімді жүйесін қалыптастыру.
Конкурс қорытындысы бойынша 1 санатта 3 орынды №2 БММ оқушысы Ермекова Аяжан, оқытушысы Макышбаева Гульнафис Тулеубековна және Әкехан Айша «Майқайың балалар өнер мектебі» КМҚК, оқытушысы Башарова Айгуль Жуматаевна иеленді. Екінші орынға «Жаяу Мұса атындағы Баянауыл балалар өнер мектебі» КМҚК оқушысы Андрианова София, оқытушысы Жүсіпбекова Райхангүл Қайыржанқызы, және Зейнелқабден Мерей, оқытушысы Башарова А.Ж. ие болды. А.Ж. Башарованың шәкірттері бұл байқауда барлық орындар бойынша төрт рет жеңімпаз атанып, бірінші орын мен бас жүлдені Майқайыңға алып кетті. Бірінші дәрежелі лауреат болып жас жұлдыз Батырбек Айсұлу атанса, Бас жүлде мен Гран-Приді Талқайрат Әлішер жеңіп алды.
12-16 жас аралығындағы ересек балалар сайысқа түскен санатта келесі көрсеткіштер бар. Г.Т. Макышбаеваның оқушысы Ахмет Жандос пен Райхангүл Қайыржанқызы Жүсіпбекованың оқушысы Қасымтай Алтынай арнайы диплом алды. Осындай дипломмен Нұрашева Сабира Серікқызының шәкірттері - Ерқанатова Жансая мен Керімжанова Әмина, сондай-ақ Казмагамбетова Малика Равилевнаның шәкірті Нигматулина Малика марапатталды. Төрт ІІІ орынды Рахмет Толғанай-Естай атындағы БММ Екібастұз қ., педагог Михайлова Ольга Николаевна, Борисенко Анастасия- Павлодар қаласының дарынды балаларға арналған музыкалық мектеп-интернаты, педагог Сарсенова Шолпан Каирлыевна, Сейсова Самира және Советбек Еркеназ иеленді. Конкурстың екі қатысушысы лайықты екінші орынды №2 БММ оқушысы Биғали Ескендір және Павлодар облысының білім беру басқармасының Шарбақты ауданының білім беру бөлімінің «Балалар музыка мектебі» МКҚК оқушысы Белоусько Валерия, оқытушысы Сова Яна Геннадьевна, иеленді. Бірінші орынды Михайлова Ольга Николаевнаның шәкірті-Аверин Илья, Естай атындағы БММ-нің оқушысы жеңіп алды. Конкурстың бас жүлдесіне Павлодар қаласының дарынды балаларға арналған музыкалық мектеп-интернатының оқушысы Синицына Валерия, оқытушысы Сарсенова Ш.К., ие болды.
Байқау Павлодар облысы білім беру басқармасының бастамасымен, «Музыкалық колледж-дарынды балаларға арналған музыкалық мектеп-интернат» кешені» ММ-нің «Ән салу» бөлімінің қолдауымен ұйымдастырылды.
