muscomplexpavl.edu.kz
2023,сәуір,21 Музыканттар Павлодарға 18 жүлде әкелді
ҚР Мәдениет және спорт министрлігінің қолдауымен 2023 жылдың 17-21 сәуір аралығында Қазақ Ұлттық өнер университетінде, Музыкалық колледждер арасындағы 44-ші Республикалық орындаушылар байқауы өтті. 11 номинация бойынша 340 қатысушы бақ сынады. Конкурстың қорытындысы бойынша 151 лауреат анықталды. Павлодар облысының жетістіктері қазынасынан 18 жүлделі орынды музыкалық колледждің студенттері әкелді. «Қазақ халық аспаптары» номинациясы бойынша 2 орынға иеленген Нұғманова Саяжан, диплом иегері – Жансүгірова Айжан. «Фортепиано» номинациясында Никита Абеков 2-дәрежелі лауреат атанды, Габдуллина Амина дипломант. «Ішекті аспаптар» номинациясы бойынша 2 орынды Фатеев Сергей, 3 орынды Букаева Адина, Конради Андрей байқауының дипломанты атанды. «Музыка теориясы» номинациясы бойынша «серпіліс» болды – бұл бағытта колледжіміздің студенттері арасынан бірінші рет Ильяшева Айман 2-орынға ие болды. «Орыс халық аспаптары» номинациясы бойынша байқаудың дипломанттары атанған Батталов Найль мен Нөгербек Ернұр. «Хор дирижері» номинациясы бойынша екі дипломант, Абишева Дариға және Новосельцев Роман. «Вокал» номинациясы бойынша Қабиденова Даяна дипломант, «Үрмелі және соқпалы аспаптар» номинациясы бойынша екі дипломант Клбланды Дина мен Болат Шыңғыс. Қобызшылар ансамблі 3-дәрежелі лауреат атанса, колледждің фольклорлық ансамблі байқаудың арнайы дипломымен марапатталды.
Салтанатты жабылу рәсімі 21 сәуір сағат 15.00-де ҚазҰӨУ Жамбыл Жабаев атындағы залда өтті.
