muscomplexpavl.edu.kz
2023,мамыр,23 «Фортепиано» бөлімінің есеп беру концерті
Музыкалық колледждегі кезекті есеп беру концерті жүргізушінің «Бүгін ұлы мәртебелі фортепиано біздің сахнада!» деген сөзімен басталды. Өйткені біз фортепиано бөлімінің тамаша концертіне куә болдық. Халықаралық және Республикалық байқаулардың лауреаттары, түрлі деңгейдегі марапаттардың жеңімпаздары, әр дәуір композиторларының шығармаларын орындады. «Фортепиано», «Үрмелі және соқпалы аспаптар», «Ішекті аспаптар» бөлімдерінің шығармашылық тандемдері ұсынылды.
Концерттік бағдарлама бірнеше блоктан тұрды, бірінші блокты жас пианистер ашты, музыкалық мектеп-интернатының оқушылары, колледж студенттері, екінші блокта оқытушылар М.Х.Колаян, И.Н.Волкова, К.В.Салихзянова және К.Ж.Исинаның студенттері өз мүмкіндіктерің көрсетті. Оқытушы Марина Анатольевна Полуэктова мен студент Дариға Жеңістің жарқыраған тандемі Ж.Бизенің «Кармен-Фантазия» шығармасын орындады.
Оқытушылар О.В.Петрушкина, А.К. Нұғманов және Ж.Д.Қабышева өнерін көрермендер тамашалады, олармен бірге студенттер Мағжан Каз, Диана Рудишева және Алина Жаманбаева фортепианода концертмейстер ретінде өнер көрсетті. Концерт «Фортепиано» және «Ішекті аспаптар» бөлімінің достық шығармашылық тандемінде алғаш рет жас пианист, 2-сынып оқушысы Мұздыбаева Дильназдың және Қазақстан Республикасы білім беру ісінің құрметті қызметкері Яна Касянның жетекшілігімен камералық оркестрдің жеке орындауында аяқталды. Бұл есеп беру концерт фортепиано әуенінің әдемілігін тамашалауға мүмкіндік берген қуанышты оқиға болды!
