muscomplexpavl.edu.kz
2023,қыркүйек,26 Бақтияр, Жасұлан және Өміржан халықаралық академияның финалистері атанды
Биыл Алматы қаласында 2023 жылдың 30 қыркүйегі мен 4 қазаны аралығында Жамбыл атындағы Қазақ мемлекеттік филармониясының базасында Болат Утемуратов Қоры, Құрманғазы атындағы Қазақ ұлттық консерваториясы, Батырхан Шөкенов атындағы қоғамдық қор және Kushanov Music Group мен Францияның Қазақстандағы Елшілігінің қолдауымен үрмелі аспаптарда орындаушыларға арналған халықаралық академияның шеберлік сыныптары өтеді.
5 күн ішінде келесі мамандардан: Джулиен Люк (валторна), Бенуа Кутрис (тромбон), Жасулан Әбдіқалықов (труба), Генри Уиллифорд (флейта) және Йо Матсушита (саксофон) практикалық шеберлік сабақтары өткізіледі.
«Үрмелі және соқпалы аспаптар» бөлімінің студенттері, «Құрмет» орденінің иегері, «Облыстың білім беруді дамытуға қосқан үлесі үшін» төсбелгісінің иегері В.А.Шлегельдің оқушылары Құрманғазы Бақтияр мен Төрегелді Жасұлан және Павлодар облысының лауреаттарын даярлау бойынша көшбасшысы О. В. Шлегельдің шәкірті Мағомет Өміржан академияның финалистері атанып, халықаралық деңгейдегі ауқымды іс-шараға қатысуға тегін жолдама алды.
