muscomplexpavl.edu.kz
2023,қараша,16 Жанкушукова Дильназ беделді байқауларды бағындыруды жалғастыруда
«ASTANA VIOLIN» халықаралық байқауының жеңімпаздарының есімдері белгілі болды, «Надежда» номинациясы бойынша Павлодарға жүлделі орынды Қазақстан Республикасының Білім беру ісінің құрметті қызметкері «Павлодар облысының білім саласына қосқан үлесі үшін» төсбелгісінің иегері Я.О.Касьянның шәкірті Жанкушукова Дильназ алып келді.
Қазіргі заманның ұлы музыканты Дэвид Ойстрахты еске алуға арналған «ASTANA VIOLIN» байқауын Қазақ ұлттық өнер университеті жыл сайын өткізеді және өнер саласындағы шығармашылық жетістіктерді анықтауға, дарынды шығармашылық ұжымдарды, орындаушыларды қолдауға және орта білімнен кейінгі техникалық және кәсіптік ұйымдардың білім алушылары арасында дарынды адамдардың кәсіби шеберлігін жетілдіруге бағытталған.
«ASTANA VIOLIN» Х халықаралық скрипкашылар байқауына Қазақстан, Англия, Австрия, Испания, Германия, Жапония, Оңтүстік Корея, Қытай, Ирландия, Польша, Вьетнам, Қырғызстан, Тәжікстан елдерінен 50-ден астам талантты скрипкашылар қатысты.
Дильназ осы Халықаралық байқауда Павлодар қаласының атынан өзінің жас тобына қатысқан жалғыз қатысушы болды. «Әрине қобалжу болды, әсіресе мен орындауға дайын болған сәтте, жүргізуші үзіліске көшу туралы хабарландыру жасады, бірақ соған қарамастан мен әрі қарай өз өнерімді жалғастырдым», - деп біздің жеңімпазымыз өз әсерлерімен бөлісті. Дильназ кішкентай кезінен бастап байқауларға қатысады, Ертіс өңірінің жанқиярлық, табанды, батыл жас жұлдызы, Павлодар облысының жетістіктерінің қоржынын үнемі көптеген жеңістермен толықтырады және осы жолы да бәрі ойдағыдай болды.
