muscomplexpavl.edu.kz
2024,ақпан,20 Павлодар скрипкашылары Біріккен Араб Әмірліктерінен жүлделі орындарды алып келді
Біріккен Араб Әмірліктерінде бір ай бойы Middle East Classical Academy (MECA) ауқымды білім беру жобасы өтті.
Беделді конкурсқа білім берудің құрметті қызметкері және «Павлодар облысының білім беруді дамытуға қосқан үлесі үшін» төсбелгісінің иегері Я.О. Касьянның жетекшілігімен павлодарлық скрипкашылар қатысты. Жоба аясында музыкалық колледждің студенттері симфониялық оркестрдің бірнеше құрамында әлемдік классикалық музыка туындыларын ойнады. Zabeel Theatre Saray - Дубай театрында өнер көрсетіп, Еуразиялық скрипкашылар ансамблінің құрамында Дубай-операдағы концертке жолдама алды.
Академия мүшелері Оксфорд және Лейпциг симфониялық оркестрлерінің сүйемелдеуімен классикалық музыканың әлемдік жұлдыздарын жанды дауыста тыңдауға мүмкіндік алды. 21 ғасырдың керемет композиторы - Алексей Шордың шығармашылығымен танысты.
1 дәрежелі лауреаттар Анель Данияр, Дильназ Жанкушукова болса, Дана Ибраева 3 орынға қол жеткізді. Жеңімпаздардың концертмейстері Қарлығаш Исина болды.
«Capriccio» ансамблі Парсы шығанағының жағасында орналасқан БАӘ-нің ірі қаласының тұрғындары мен қазылар алқасының көңілінен шығып 1 орынға ие болды. Осылайша шығармашылық ұжым Ертіс өңіріндегі скрипкашылар мектебінің дайындығы мен кәсібилігінің жоғары деңгейін дәлелдеді.
