muscomplexpavl.edu.kz
2024,cәуір,9 Павлодарлық қобызшы олимпиадада 3 орынға ие болды
2024 жылдың 3 сәуірінде Құрманғазы атындағы Қазақ ұлттық консерваториясында «Баян және аккордеон», «Қыл қобыз», «Бас қобыз және альт қобыз», «Прима қобыз» номинациялары бойынша ХVI Республикалық кіші олимпиаданың жеңімпаздарын жариялады.
Олимпиадаға Қазақстанның әр өңірінен мамандандырылған мектептер мен музыкалық колледждерден арнайы 60 өнерпаз қатысты.
Олимпиаданың мақсаты – дәстүрлі музыка өнері мамандығы бойынша оқитын мамандырылған музыка мектеп оқушылары мен музыкалық колледж студенттерінің кәсіби деңгейін шыңдау барысында бағдарламада берілген шығармаларды прима қобыз, қыл қобыз, альт қобыз бен бас қобыз, баян және аккордеон аспаптарында нақышына келтіре отырып орындау, насихаттау және шеберліктерін таныту болып табылады.
Павлодар қаласынан олимпиадаға Мэлс Айым қатысты, оқытушысы А. Б. Канаева. Айым «Прима қобыз» номинациясы бойынша үшінші дәрежелі дипломды иеленіп келді.
