muscomplexpavl.edu.kz
2024,қазан,17 Жас музыканттардың «Global Art Competition» IV халықаралық байқауындағы жетістіктері
2024 жылғы 4-10 қазан аралығында Түркияның Аланья қаласында Әлемнің түкпір-түкпірінен дарынды музыканттар мен орындаушыларды жинаған «Global Art Competition» атты IV халықаралық байқауы өтті. «Музыкалық колледж – дарынды балаларға арналған музыкалық мектеп-интернат» кешені» ММ-нің оқушылары осы іс-шараның жарқын жұлдыздарына айналып, шеберлік пен шығармашылықтың жоғары деңгейін көрсетті.
Павлодар облысы үшін 7 «Б» сынып оқушысы Данияр Анельдің жеңісі ерекше жетістік болды, ол өзінің оқытушысы Касьян Яна Оганесовнаның жетекшілігімен бірінші орынға ие болып, алтын медаль жеңіп алды. Әрине, бұл нәтиже Анельдің өз өнеріне салған көп жылдық еңбегі мен күнделікті жаттығуларының негізі белгісі.
Екінші орын мен күміс медальді оқытушы Тамара Ивановна Кочневаның жетекшілігімен 8 «Б» сынып оқушысы Жәмиля Сыздықова иеленді. Ол техникасының жоғары деңгейімен және эмоционалды тереңдігімен ерекшеленді, Жәмиляның бұл қасиеті қазылар алқасының назарынан тыс қалмады.
Сондай - ақ, концертмейстер Колаян Марго Хачатуровнаның жұмысын атап өткен жөн, оның қолдауы мен кәсібилігі оқушыларымыздың табысының ажырамас бөлігі болып табылады. Музыкалық колледждің «Ішекті аспаптар» бөлімінің студенті Дана Ибраева 1 дәрежелі лауреат атанды, ал Мэлс Айым Павлодардың танымал «Этномикс» тобының қатысушысы, шығармашылық ұжым құрамында конкурстың Бас жүлдесін алды.
Байқауға Қазақстан, Ресей, Түрікменстан, Беларусь, Армения, Әзірбайжан, Қырғызстан, Тәжікстан және басқа елдердің өкілдері қатысты, бұл халықаралық ынтымақтастықпен және мәденидәстүрлермен алмасудың жоғары деңгейін көрсетеді.
Біздің студенттер мен оқушылардың жеңістері олардың жеке таланттарын көрсетіп қана қоймай, дарынды балалардың дамуына барлық жағдай жасайтын колледж және мектеп-интернат ұжымы жұмысының жарқын үлгісіне айналады. Жеңімпаздарымызды құттықтаймыз және олардың шығармашылық мансабына одан әрі табыс тілейміз!
