2019,қараша,28 Ертіс өңірінің жастар сыйлығының алғашқы лауреаттары

27 қарашада Естай атындағы ҚМС-да «Ертіс дарыны - 2019» жастар сыйлығын табыстау рәсімі өтті. «Мәдениет» және «Эстрада» номинациялары бойынша жастар сыйлығының алғашқы лауреаттары музыкалық колледждің студенттері Шапағат Назымгүл және Рерих Нелли атанды. Айта кеткен жөн, Нелли бұл жобаның ең жас қатысушысы және жеңімпазы. Алғаш рет 2019 жылдың шілде айында аймақ басшысы Болат Бақауов жастар сыйлығын жариялаған болатын. Жастар жылында облыс әкімі Ертіс дарындарына мемлекеттік қолдау көрсету мақсатында жастар сыйлығын тағайындауды тапсырды. Музыкалық колледждің студенттері қала тарихына үлес қосуда. Бұл премия Павлодар облысының прогрессивті және белсенді жастарына арналған тарихи оқиға және музыкалық колледж үшін керемет жаңалықтың бастамасы. Музыкалық колледждің студенттері - бұл облысымыздың мақтанышы, өз жетістіктерімен әлемдік және халықаралық деңгейде тек аймақтың ғана емес бүкіл Еліміздің атын шығаруда.